Radio RM FM اسمعنا على موجات الأثير 99.8 FM
مقالات مشابهة
نشر لاعب كرة اليد بالنجم الرياضي الساحلي حمدي الهمامي تدوينة على موقع التواصل الاجتماعي فايسبوك , اطلق فيها نداء استغاثة حول الوضعية الكارثية لفرع كرة اليد في فريق جوهرة الساحل.
وقال حمدي الهمامي ان اللاعبين اصبحوا غير قادرين على التحول الى التمارين نتيجة عدم حصولهم على مستحقاتهم منذ 7 اشهر .
هذا وأثارت تدوينة الهمامي سخط احباء النجم الرياضي الساحلي الذين يطالبون بايجاد حلول جذرية لإنقاذ فرع كرة اليد من الوضعية الحرجة التي يمر بها في الوقت الراهن.
وفيما يلي نصّ التدوينة:
“يا ناس يا جمهور لتوال يا كبارات النجم الساحلي راهي الزنقة وقفت بالهارب وينكم فرع كرة اليد باش يموت بالشر بالرسمي معادش قادرين باش نخلصو حق الكراء ولا حق ماكلتنا و لا الضوئ و لا الماء و رانا أصحاب عايلات بلحق الواحد ماعدش ينجم يصبر و إلا يسكت وصلنا ندربوا موش كاملين تصورو جورات يلعبو في النجم الرياضي الساحلي العريق موش قادرين باش يجيو يدربو علاش؛ موش قادرين باش يوصلو للڨولف قنطاوي معندهمش فلوس و أني واحد من الناس و غيري ماللولاد يتسلف فالفلوس باش نالقاو ماناكلو و إلا نمشيو ندربوا و رغم الي سي زياد النطاط حاول باش يعمل المستحيل باش يوقف الفرع على ساقيه لاكن منجمش وحدوا ضرب ضرب لين تعب و سي كمال عقاب كيف كيف حاول معانا و وقف معانا وصل يحب يمد من جيبو باش ميخليناش ناقفو و رئيس الجمعية مشغول و لا يبالي بفرع كرة اليد عندنا 7 شهور ماناش خالصين و مستحقاتنا من العام الفارط و العام الي قبلو مناش خالصين فيهم بلحق الواحد كان متكلمش راهو هبل و نبعد تقولو جمعيتك و ولاد جمعية و تسبونا كي نخرجو منها و تلقى حقك في جمعيات أخرى في لتوال لا… أني واحد مالناس العام الفارط جاوني عروض من جمعيات منافسة للنجم و منجمتش نمشي خاطر جمعيتي الأم و تربيت فيها لاكن هاك تشوف الوضع متاعنا كيفاش و الناس الكل حاقرتنا والنجم الرياضي الساحلي فوق الجميع و يعلى و لا يعلى عليه “
